44 deputetë kërkojnë Ramën në Komision/ Boçi:Rama do të vijë si çeço, në Komisionin Hetimor”

Deputeti Luçiano Boçi ka njoftuar dorëzimin e kërkesës  së 44 deputetëve për ngritjen e Komisionit Hetimor ndaj kryeministrit Rama për çështjen McGonigal.

I pyetur për lëvizjen e opozitës nëse refuzohet nga mazhoranca ngritja e Komisionit Hetimor për kryeministrin Rama, deputeti Boçi u shpreh se do të dërgohet në Gjykatën Kushtetuese.

“Sigurisht, edhe rastin e Komisionit të parë për “Charterat”, edhe rastin e dytë për çështjen McGonigal, do të dërgohen në Gjykatën Kushtetuesë në rast se nuk pranohet ngritja e Komisionit”, tha Boçi.

Lidhur me paralajmërimin e Ballës për mospranimin e Komisionit Hetimor, Boçi tha se rregullorja e parashikon se kur 1/4  e deputetëve mbledhin firmat, mund të ngrihet komisioni.

“Këtë herë nuk mund të shpëtojë dhe do vijë si “çeço” të dëshmojë”, ka thënë Boçi