Librazhd, plagoset i moshuari shpërthimi i bombolës së gazit në banesë

Shpërthen një bombol gazi në Librazhd, dhe për pasojë një i moshuar ka mbetur i plagosur. Ngjarja ndodhi mëngjesin e sotëm, në lagjen nr. 1.

NJOFTIMI I POLICISE

Mëngjesin e sotëm, në lagjen nr. 1, Librazhd, dyshohet se për shkak të rrjedhjes së gazit, ka shpërthyer një bombol e vogël gatimi, në banesën ku jetonte i vetëm shtetasi S. Q., 74 vjeç.

Si pasojë, është dëmtuar lehtë, jashtë rrezikut për jetën, 74-vjeçari, i cili është në kujdesin e mjekëve.

Grupi hetimor po punon për dokumentimin e plotë ligjor të shkakut të kësaj ngjarjeje.