“Për të mirën e qytetarëve…”, Qosja fton për kafe Ramën pas fitores së Kavajës

Kandidati fitues i zgjedhjeve vendore në Kavajë, Fisnik Qosja thotë se është i gatshëm të ulet me kryeministrin Edi Rama në çdo moment për të mirën e qytetarëve të Kavajës.

Ai u shpreh se janë një sërë projektesh që ai ka pasur në programin e tij gjatë fushatës për Kavajën, por Rruga e Bregdetit është projekti që do të kërkonte të realizonte të parin.

“E ftoj kryeministrin jo vetëm për kafe por çfarë të dojë vetëm për të mirën e qytetarëve të Kavajës. Jam i gatshëm të ulem me të në çdo moment. Gjatë fushatës kam dalë me disa projekte, një ndër më të bukurit dhe të realizueshmit është rruga e bregdetit. Do t’i kërkoja ndihmë për këtë”, tha Qosja për Euronews Albania.