Durrës / Hajdutët i marrin para dhe bizhuteri gjyqtares në shtëpi

Përditësuar më 9 Qershor 2023, 11:27

Vidhet banesa e gjyqtares së Durrësit Shpëtime Pitaku

Gjyqtarja e Durrësit Shpëtime Pitaku ka raportuar se nga banesa e saj janë vjedhur  2 mijë euro dhe bizhuteri.

Detajet e ngjarjes ende nuk janë të qarta, por policia po punon për të zbardhur çdo detaj në lidhje me këtë incident. 

Gjyqtarja Shpëtime Pitaku, banesa e së cilës u grabit të dielën nga persona ende të paidentifikuar, ka folur për mediat.

Nga pas hekurave të dritares së banesës, ajo u shpreh: “Jo nuk kisha, asgjë s’kisha. Isha rehat, nuk kishin çfarë më merrnin (qesh)”.

Ajo tregoi se banesa iu grabit të dielën por nuk kishte vendosur kamera pasi kishte një shtëpi normale.

“As nuk më ka shkuar mendja të vendos kamera, një shtëpi normale kam”, ka deklaruar gjyqtarja Pitaku.

Denoncimi për grabitjen e banesës së saj është bërë nga bashkëshorti i gjyqtares.