Rrogozhinë/ Shoferi përplas dy të mitur dhe ikën nga vendi i ngjarjes

Përditësuar më 10 Qershor 2023, 10:25

Një aksident i rëndë ka ndodhur në Rrogozhinë. Një makinë tip “Ford” ka përplasur dy të mitur, njëri 10 vjeç dhe tjetri 11 vjeç. Fëmijët kanë mbetur të plagosur dhe janë dërguar në spital, teksa shoferi që i ka përplasur ia ka mbathur nga vendi i ngjarjes.

Ngjarja mësohet se ka ndodhur rreth orës 19:40, në qendër të Rrogozhinës. Mjeti me targë e drejtues ende të paidentifikuar ka aksidentuar dy të miturit dhe më pas është larguar. Policia po punon për identifikimin e drejtuesit të makinës që shkaktoi aksidentin.