Kush mund të jetë kandidat i pozitës në KUKËS?!

Një video erotike që shfaq kryetarin e bashkisë së zgjedhur në detyrë, presidentin e FK Kukësit, Safet Gjici, është publikuar në rrjetet sociale.

Fillimisht u raportua se kjo video do të shfaqej në një emision investigativ në një televizion kombëtar, por më pas u zbulua se emisioni u ndryshua dhe videoja u shpërnda në rrjetet sociale. Kryebashkiaku u shkarkua dhe ai deklaroi dorëheqjen nga detyra, duke kërkuar ndjesë për videon.

Opozita kërkoi që të shpallen zgjedhjet në bashkinë e Kukësit dhe të zhvillohen sa më shpejt. Mediat afër qeverisë po përpiqen të identifikojnë personin ose autorin e videos dhe të zbulojnë motive të saj, duke e quajtur atë shantazhuese ose gjobaxhie.

Tani, pas shkarkimit të Safet Gjicit, pritet që të zhvillohen zgjedhjet në Kukës. Procedura për zgjedhjet fillon me deklarimin e vakanca nga Prefekti i Qarkut të Kukësit, njoftimi i Qeverisë nga Prefekti, dhe shpallja e datës së zgjedhjeve nga Presidenti i Republikës. Data e zgjedhjeve nuk mund të jetë më vonë se 45 ditë ose më pak se 30 ditë pas njoftimit të Presidentit. Kështu, në raste normale, zgjedhjet mund të mbahen në mes të muajit gusht, duke marrë parasysh procedurat dhe afatet e nevojshme.

Por kush mund të jete kandidati që mund te zëvëndësojē Safet Gjicin?

Nuk ka një figurë  nga PS e Kukësit  që do të zinte vendin si kandidat në zgjedhjet e reja. Më i përfoluri në stafin e ngushtë të Pandeli Majkos  si  i deleguar nga qendra për  qarkun e   Kukësit mbetet  nënkryetari aktual i bashkise  Granit Gjana.