Disa fotografi mund të fshihen nga IPHONE-i juaj

Përdoruesve të Apple u është kërkuar të ndërmarrin veprime të shpejta që të mos humbasin dhjetra fotot e tyre të preferuara në këtë muaj. Albumi My Photo Stream do të mbyllet në korrik, duke vënë shumë përdorues të iPhone në rrezik për të humbur disa nga fotot e tyre të çmuara.

Albumi, të cilin Apple e lançoi në vitin 2011, ruan automatikisht fotografitë e bëra në 30 ditët e fundit dhe i lejon përdoruesit të ngarkojnë fotografi dhe video në pajisje të tjera pa përdorur iCloud.

Gjatë viteve të fundit, iCloud ka filluar të zëvendësojë My Photo Stream dhe tani funksioni është vendosur të hiqet tërësisht. Apple do të mbyllë My Photo Stream më 26 korrik dhe çdo foto dhe video që nuk është ruajtur diku tjetër do të fshihet.

Çdo fotografi e ngarkuar në My Photo Stream përpara datës 26 qershor do të mbetet në iCloud për 30 ditë nga data e bërjes.