3 të arrestuar pas vdekjes së punëtorit indian në fabrikën e riciklimit të aluminit

Një punonjës i ish-kombinatit metalurgjik në qytetin e Elbasanit, me origjinë nga India, ka humbi jetën ditën e djeshme në në fabrikën e riciklimit të aluminit. Ndërkohë sot tre persona janë arrestuar nga policia, pas vdekjes së 45 vjeçarit indian. Mes te prangosurve është edhe drejtuesi i mjetit pirun që dëmtoi shtetasin indian, i cili si pasojë e plagëve ndërroi jetë, teksa janë proceduar edhe 2 administratorët e firmës.

Njoftimi i policise:

Specialistët për Hetimin e Krimeve të Komisariatit të Policisë Elbasan, në vijim të veprimeve të kryera në drejtimin e Prokurorisë, për zbardhjen e ngjarjes së ndodhur ditën e djeshme, në fabrikën e riciklimit të aluminit, në ish-kombinatin metalurgjik, ku humbi jetën pasi u dëmtua aksidentalisht nga një pajisje pune, shtetasi O. P., 45 vjeç, janë arrestuar në flagrancë për veprën penale “Shkelja e rregullave të mbrojtjes në punë”, 3 punonjës të fabrikës, shtetasit:

-K. B., 46 vjeç, banues në Elbasan (shtetas indian), drejtuesi i mjetit të punës (pirun) që ka dëmtuar aksidentalisht shtetasin O. P., gjatë procesit të punës;

-A. R., 29 vjeç, banues në Elbasan (shtetas indian), me detyrë inxhinier përgjegjës;

A. B., 31 vjeç (shtetas shqiptar), banues në Gramsh, me detyrë drejtues/përgjegjës teknik.

Gjithashtu, për këtë rast u referuan materialet në Prokurori ku nisi procedimi në gjendje të lirë për 2 administratorët e firmës, shtetasit:

I. L., 52 vjeç, banues në Gramsh dhe A. K., 34 vjeç, banues në Tiranë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit Elbasan, për veprime të mëtejshme.