Itali/ Firence, njerëzit dalin në rrugë nga lëkundjet e termetit, dëmtime në zonën e Forlit

Lëkundje tërmeti me magnitudë 4.6 dhe 5.1 ballë, në komunën Marradi, në zonën e Firences. Ngjarja sizmike ka ndodhur në orën 05:10 të mëngjesit të sotëm. Tronditja u ndje dukshëm në Firence. Mbrojtja Civile bëri të ditur se nuk ka pasur dëme materiale apo njerëz, por qindra persona kanë dalë në rrugë pas tërmetit.

Tërmeti u ndje në të gjithë Toskanën dhe rajonet fqinje, duke përfshirë Emilia-Romagna dhe Marche. Me të njëjtën epiqendër, sizmografët regjistruan një tjetër goditje me magnitudë 3.3 në orën 04:38 dhe më pas 8 goditje të tjera me magnitudë midis 2 dhe 3, përsëri në Apeninet, në Marradi ose Tredozio afër (Forlì Cesena).

Pas tërmetit të fortë, kryebashkiaku i Marradit (Firence), Tommaso Triberti, vendosi mbylljen e shkollave si masë paraprake. Dhoma e Mbrojtjes Civile e qytetit Metropolitane të Firences, e cila po monitoron situatën, aktualisht nuk ka marrë raporte të dëmtimit të pronës apo lëndime të njerëzve.

Dëme në Tredozio (Forlì-Cesena)
“Kemi dalë të gjithë jashtë shtëpive”. “Kemi shumë struktura të dëmtuara, duke përfshirë bashkinë dhe po evakuojmë një pjesë të një shtëpie të moshuarish, dhjetë persona”, shpjegon kryebashkiakja e Tredozios (Forlì -Cesena) Simona Vietina. 

Qyteti, tashmë i goditur nga përmbytja, nuk është shumë larg nga Marradi, në Toskanë, ku ndodhi goditja kryesore, por nga ana tjetër ishte epiqendra e disa pasgoditjeve, të paktën katër, një me magnitudë 3. “Ne jemi të gjithë jashtë shtëpive, kam hapur qendrën operative komunale, presim ndërhyrjen e zjarrfikësve”. Pas përmbytjes vazhdojmë të përjetojmë ditë të vështira, njëra pas tjetrës. “E ndjemë fort tronditjen”, thotë kryebashkiaku i Cesenas Enzo Lattuca.