Personazhi i TIK TOK Kozaku kallëzon në Polici Cllevion: Ndihem i frikësuar!

Dy personazhe kontraversë të rrjeteve sociale kanë nisur një konflikt virtual mes tyre i cili më pas ka përfunduar me një kallëzim në polici.

Kozak Braci pak ditë më parë ka bërë një kallëzim penal drejtuar në komisariatin nr. 4 duke akuzuar reperin Kleviol Ahmeti, i njohur me emrin e artit “Cllevio Serbiano”.

Në kallëzimin shkruhet se prej disa kohësh tashmë, Braci dhe familja e tij janë ndjerë të kërcënuar nga ky personazh, për shkak të disa konflikteve që kanë nisur në rrjetet sociale.

Pas kallëzimit, komisariati i policisë nr. 4 ka nisur një kërkim policor për të gjetur Kleviol Ahmetin me banim në Lushnje. Ky i fundit nuk është gjetur në vendbanimin e tij pas kontrolleve të bëra.

Sipas atyre që i ndjekin, thuhet se gjithçka ka nisur pas një videoje në rrjetet sociale ky nuk mungonin as fyerjet personale nga të dyja palët.