Prokurorët e SPAK dhe avokatët e Berishës mbërrijnë në Kuvend

Prokurorët e SPAK, që kanë kërkuar arrestimin e Sali Berishës, kanë mbërritur në Kryesinë e Kuvendit, ku do të mblidhet në orën 12:00, Këshilli i Mandateve që do të shqyrtojë kërkesën për heqjen e imuniteti të tij.

Gjithashtu kanë mbërritur edhe avokatët e ish-kryeministrit që kanë hyrë brenda ambienteve të Kryesisë së Kuvendit.

Këshilli i Mandateve dhe Imuniteteve do të transmetojë Live në Facebook te Kuvendit te Shqipërisë, mbledhjen ku do të shqyrtohet kërkesa e Prokurorisë së Posaçme për heqjen e mandatit të ish-kryeministri Sali Berisha.

Mbledhja pritet të nisë në orën 12:00 dhe paralelisht me shqyrtimin e kërkesës së SPAK, opozita do të zhvillojë protestë jashtë Kryesisë së Kuvendit.

Ndërkohë Policia e Shtetit ka marrë masa të shtuara për protestë, ku rreth 700 efektivë të pajisur me maska kundragaz janë vendosur në afërsi të Kryesisë së Kuvendit dhe Kryeministrisë.

Gjithashtu efektivët janë vendosur “gardh” tek dera godinës së Kryesisë, ndërsa brenda saj qëndrojnë vendosur gardistë, po ashtu të pajisuar me maska kundragaz.