Franca, një “ëndërr e ndaluar”

Ëndrra për të shkuar si emigrant në Francë po bëhet gjithmonë e më vështirë për shqiptarët.

Sipas asaj që raporton prestigjiozja franceze, “Le Monde”, vetëm gjatë vitit 2017 më shumë se 1500 shqiptarë pranuan të kthehen në vendin e tyre , duke përfituar nga propozimi i Francës për të t’u kthyer secili me nga 300 euro në xhep.

Vetëm, më 29 nëntor u kthyen në Shqipëri vullnetarisht 128 shqiptarë. (Në foto një familje në pritje të kthimit në Shqipëri)

Para pak ditësh në Francë ishte ministri i Brendshëm shqiptar, Fatmir Xhafaj, i cili u prit nga homologu i tij, Zherar Kolomb, me këtë të fundit që pritet të vizitojë Tiranën, më 14 dhe 15 dhjetor, pikërisht në lidhje me azilkërkuesit shqiptarë.