Fier/ Dy pronarët rrahin keq kamarierin e lokalit të tyre

Policia e Fierit ka shpallur në kërkim pronarët e një lokali, pas një incidenti të rëndë të ndodhur në ambientet e tij. Të shpallurit në kërkim janë A. K., 53 vjeç, dhe E. K., 45 vjeç, të cilët akuzohen se kanë sulmuar fizikisht kamarierin që punonte në lokalin e tyre.

Sipas burimeve nga policia, ngjarja ka ndodhur për motive të dobëta, ende të pazbardhura plotësisht.

Policia ka nisur hetimet për zbardhjen e plotë të rrethanave të ngjarjes dhe motivet që çuan në këtë sulm. Ndërkohë, kërkimet për kapjen e pronarëve të lokalit po vijojnë.