Rama përgëzon Eva Buzon: U rikthye me një forcë fizike dhe psikologjike të jashtëzakonshme

Kryeministri Edi Rama ka përgëzuar Eva Buzon, avokaten shqiptare e cila përshkroi me not brigjet nga Italia për në Shqipëri për 35 orë.

Me anë të një postimi në rrjetet sociale kreu i qeverisë thotë se kjo është një histori mbresëlënëse e Eva Buzos.

Ajo rinisi sfidën e lënë në mes nga viti i kaluar për t’ia dalë me sukses.

“U rikthye me një forcë fizike dhe psikologjike të jashtëzakonshme”, shkruan Rama.

Postimi i kryeministrit

Një histori mbresëlënëse ajo e Eva Buzos, avokatja shqiptare, e cila ka shënuar një rekord në not duke përshkruar 92 km nga brigjet e Italisë deri në Vlorë

Një udhëtim në ujë prej 34 orësh për Evën, e cila sfidën e lënë në mes vitin e kaluar, u rikthye për ta përfunduar këtë vit, me një forcë fizike dhe psikologjike të jashtëzakonshme.