Shabani i përgjigjet Berishës: Ti je pjesë e tavës, ke marrë leje ndërtimi nga Rama

Kreu i Nisma Thurje, Endri Shabani ka reaguar pas deklaratave të ish-kryeministrit Berisha për partitë e reja.

Kreu i PD-së, nga arresti shtëpiak ka sulmuar forcat e reja politike. Shabani ka ironizuar Berishën duke e quajtur ‘Berisha i tretë Para Erës Sonë’. Ai iu përgjigj akuzës se forcat e reja i bëjnë fresk Ramës, duke u shpreh se Berisha i ka marrë leje ndërtimi Ramës.

“Vazhdojnë sulmet nga fronti anti-perëndimit

Ditën e djeshme, Berisha i tretë Para Erës Sonë, doli tek ballkoni i burgut dhe sulmoi forcat e reja.

Pasi votoi sistemin zgjedhor që dobëson opozitën;

pasi i votoi amnistinë që falte hajdutët e Ramës;

pasi i mori Ramës disa leje ndërtimi,

tha se “forcat e reja i bëjnë fresk Ramës, prandaj populli duhet të dallojë ‘opozitën e vërtetë’”.

Tani që atij i pëlqen opozita kjo dihet, se e ka mbajtur partinë e tij për 20 vite në opozitë dhe po përgatitet ta mbajë edhe 40 vitet e ardhshme.

Por sot ai na sulmon pikërisht ngaqë populli po e kupton se kush është pjesë e tavës dhe kush kërkon realisht ta përmbysë tavolinën.

Prandaj edhe sondazhet tregojnë që njerëzit po largohen përditë nga supa e prishur e këtyre tre dekadave duke kërkuar ndryshimin e vërtetë, jo iluzionin e ndryshimit.

Por pa merak: kur të rinjtë të marrin pushtetin, Berisha do mundet të formojë koalicionin opozitar me Ramën. Me atë rast, nisur nga statusi i pensionistit, të dy do përfitojnë nga fakti që ne do kemi rritur pensionet.

E vetmja gjë që nuk po arrij të deshifroj është kjo akuza se ne i bënkërkemi fresk Ramës.

Dmth në këto ditë dimri ky po e ngroh Ramën dhe ne po i fusim mornicat?! Se nuk po arrij ta kuptoj çfarë ka dashur të thotë autori”, shkruan Shabani në rrjetet sociale.