36-vjeçari nga Durrësi gjendet i pajetë në zonën e Kënetës

Flogert Koni, 36 vjeç, nga Durrësi, i cili ishte raportuar i zhdukur nga familja që prej datës 27 dhjetor, është gjetur i pajetë në zonën e Kënetës.

Familjarët e tij kanë qenë ata që kanë zbuluar trupin në një banesë pranë zonës së njohur si “Shtëpia e baterive”. Pas zhdukjes së tij, familja kishte bërë denoncim në polici dhe kishte kërkuar ndihmë nga qytetarët për ta gjetur.

Ende nuk dihet se kur dhe si ka ndërruar jetë 36-vjeçari, pasi Policia e Durrësit nuk ka dhënë ende një njoftim zyrtar për ngjarjen.

Hetimet për të sqaruar rrethanat e vdekjes janë duke vazhduar.