Berisha thotë se Edi Rama është shuar: Diaspora nuk do t’u dëgjojë emrin

Ish-kryeministri Sali Berisha ka deklaruar se PS nuk ka asnjë program për zgjedhjet e 11 majit. E vetmja gjë që bën Rama dhe partia e tij sipas Berishës është të ripërtypin mashtrimet dhe krimet e tyre.

Ai thekson se dhjetëra takime të tyre me Diasporën kanë dështuar, pasi nuk duan t’u dëgjojnë as emrin.

Lideri i Partisë Demokratike, Sali Berisha, përmendi se nuk ka qenë ende momenti për t’u drejtuar administratës së re Trump për heqjen e non-gratës dhe shpjegoi se arsyet ishin procedurat që ende duhet të kalonin në Kongres.

Ai gjithashtu e hodhi poshtë aktin që lidhej me lobimin e Xhorxh Sorosit, duke e quajtur atë një veprim politik të bërë pa respektuar ligjet e Shteteve të Bashkuara.

Jo, unë nuk e kam filluar lobingun sepse janë gjithsej 14 ditë që ka filluar administrata e re.
Dhe unë nuk besoj që në ditët më të para të saj, të jetë përparësi ky problem.
Kështu që unë jam i vetëdijshëm se duhet të plotësohet administrata, d.m.th është një proces konfirmimesh që duhet të kalojë në Kongres.
Dhe procesi i konfirmimeve të zyrtarëve nuk ëshët vetëm për sekretarët e shtetit, por edhe për persona nën rangun e tyre.
Unë pres që të plotësohet administrata e re dhe pa asnjë diskutim do i drejtohem administratës së re.
I vetmi shkak që nuk i jam drejtuar është kjo.
Dhe jam besimplotë sepse është kuptuar universalisht që ai ishte një akt politik i Xhorxh Sorosit dhe se Sekretari i Shtetit e ka bërë atë pa respektuar asnjë ligj të vendit të vet, pa asnjë dokument në dosje, thjesht me lobimin korruptiv të Xhorxh Sorosit.