Video/Reagimi i ambasadores ukrainase në SHBA bëhet virale

Reagimi i ambasadores së Ukrainës në Shtetet e Bashkuara, Oksana Markarova  teksa ishte dëshmitare e përplasjes historike diplomatike midis Presidentit të SHBA Donald Trump dhe presidentit ukrainas Volodymyr Zelenskyy në Shtëpinë e Bardhë të premten u bë virale menjëherë pasi bisedimet përfunduan.

Ambasadorja  u shfaq e zhgënjyer ndërsa Trump kritikoi liderin ukrainas dhe paralajmëroi se ai “po luante me Luftën e Tretë Botërore”.

Të dy udhëheqësit, së bashku me zëvendëspresidentin JD Vance patën një përballje të tensionuar në Zyrën Ovale mbi natyrën e mbështetjes së SHBA për luftën e Ukrainës kundër Rusisë.

Zelensky shpresonte që nga ky takim t’i bënte thirrje SHBA-së për ndihmë të vazhdueshme, por mesa duket plani i tij nuk ka shkuar siç duhet.