Shkodër/Pëson arrest kardiak dhe përplaset me dy automjete të parkuara

Një ngjarje e rëndë ka ndodhur në Shkodër, ku një 58-vjeçar ka humbur jetën.

Policia njofton se 58-vjeçari ka humbur drejtimin e automjetit pasi ka pësuar arrest kardiak, e për pasojë është përplasur me dy automjete të parkuara.

Shkodër/Informacion paraprak

Në orët e para të mëngjesit, në lagjen “Mark Lula”, shtetasi T. Z., 58 vjeç, duke drejtuar automjetin e tij, dyshohet se ka pësuar arrest kardiak dhe si pasojë automjeti është përplasur me dy automjete të parkuara.

Shtetasi T. Z, është transportuar në spital por ka humbur jetën.

Grupi hetimor po punon për sqarimin e plotë të rrethanave dhe shkakut të këtij rasti.