Tahiri mbledh mbështetësit e tij, një ditë pas festës zyrtare të PS-së…

Një ditë pas festës zyrtare që Partia socialiste e Tiranës ka organizuar me rastin e festave të fundvitit, ish-ministri i Brendshëm, Sajmir Tahiri, ka organizuar një tjetër festë, po me socialistët, por me ato që konsiderohen si mbështetës dhe besnikë të tij.

Në një nga lokalet e kryeqytetit, Tahiri ka mbledhur disa nga drejtuesit e organizatave socialiste, jo vetëm në zonën e Kombinatit ku ai është mandatuar si deputet, por edhe në zona të tjera.

Sikundër shihet nga foto, pjesëmarrësit në këtë festë ku ishte i pranishëm edhe ish-ministri i Brendshëm, që po hetohet për lidhjet me Habilajt në trafikun e drogës, janë të rinj.

Një ditë më parë Tahiri nuk ka qenë i pranishëm në festën e organizuar nga socialistët e Tiranës, ndërsa nuk ka munguar kryebashkiaku Erjon Veliaj.