Mëngjesin e sotëm është gjetur trupi i pajetë i kapitenit A.Anamali i cili u mbyr në liqenin e Shkodrës duke shpëtuar turistët që po rrezikonin të mbyteshin.
Anamali i kishte paralajmëruar turistët që të mos hynin në liqen, por fjala e tij nuk u dëgjua.
Anamali humbi jetën duke shpëtuar jetën e turistëve izraelitë. Ai qëndroi për 48 orë në ujrat e liqenit duke u gjetur nga polumbarët në orët e para të së enjtes.
Ai ishte punonjës i bashkisë Shkodër dhe udhëhiqte njërën prej anijeve që bashkia ka vënë në dispozicion për të lundruar në liqen.
Arben Anamali, kapiteni 51-vjeçar i anijes turistike nga Shkodra, humbi jetën me 8 korrik në Liqenin e Shkodrës, ndërsa kryente një akt heroik për të shpëtuar dy turistë nga mbytja. Në një akt sakrifice të jashtëzakonshëm, Arbeni u hodh në ujë për të shpëtuar dy vizitorët që po rrezikonin jetën, duke vënë jetën e tij në rrezik për të siguruar që ata të shpëtonin.
Përkundër përpjekjeve të tij dhe ndërhyrjes heroike, Arbeni nuk arriti të shpëtonte jetën e tij. Dy turistët janë në gjendje të mirë shëndetësore dhe janë shpëtuar falë aktit të tij të jashtëzakonshëm.
Ngjarja ishte tronditëse, pasi trupi i Arben Anamali nuk u gjet dhe ndodhet në ujërat e liqenit. Polumbarët pasi kanë kryer zhytje intensive kanë gjetur trupin e kapitenit.
Kapiteni Arben Anamali njihej për përkushtimin e tij ndaj turizmit dhe mikpritjes, dhe ky akt heroik e bëri atë një figurë të njohur dhe të respektuar në qytetin e Shkodrës. Bashkia Shkodër ka shprehur ngushëllimet më të sinqerta për familjen Anamali, duke vlerësuar sakrificën dhe guximin e tij të jashtëzakonshëm.
