Putin propozon Moskën për takimin e radhës me Trump

Konferenca e shkurtër për shtyp e Donald Trump dhe Vladimir Putin përfundoi pa përballjen e udhëheqësve me pyetje nga gazetarët.

Donald Trump, në fjalën e tij në konferencën për shtyp së bashku me Vladimir Putin, falënderoi presidentin rus për deklaratën dhe e përshkroi takimin si shumë produktiv.

“Kishte shumë, shumë pika për të cilat ramë dakord. Do të thoja disa pika të mëdha, por nuk kemi arritur ende atje, kemi bërë disa përparime. Nuk ka marrëveshje derisa të ketë një marrëveshje”, tha ai.

Trump thotë se do të telefonojë NATO-n dhe Volodymyr Zelensky-n për t’i “njoftuar për takimin e sotëm”.

“Do të filloj të bëj disa telefonata dhe do t’u tregoj atyre çfarë ka ndodhur. Patëm një takim jashtëzakonisht produktiv dhe u ra dakord për shumë pika, kanë mbetur shumë pak. Disa nuk janë aq të rëndësishme, njëra është ndoshta më e rëndësishmja, por kemi një shans shumë të mirë për të arritur atje “, shtoi ai.

Në vend të kësaj, Donald Trump iu drejtua Vladimir Putinit dhe e falënderon përsëri.

“Do të flasim me ju shumë shpejt dhe ndoshta do të shihemi përsëri shumë shpejt”, i thotë ai presidentit rus.

“Herën tjetër në Moskë”, përgjigjet Putin.

Trump thotë “kjo është interesante” dhe shton “Do të kritikohem pak për këtë, por mund ta shoh të mundshme që të ndodhë”.