162.7 tonë ADITIVË QË po HELMOJNË shqiptarët në pasticeri

Përditësuar më 15 Shtator 2025, 18:53

Publik.al

Nuk është më vetëm çështja e grurit, miellit apo aditivëve për fryrjen e brumit, madje as thjesht buka e “fshatit” që na shitet si e pastër.

E vërteta është shumë më e hidhur: industria e ëmbëlsirave dhe pasticerisë po “gatuan” tronditjen e radhës.

162.7 tonë aditivë për pasticeri, vetëm nga 1 janari 2022!

Të dhënat zyrtare nga Doganat flasin qartë: brenda pak vitesh janë importuar 162.7 tonë aditivë të destinuar ekskluzivisht për pasticeri dhe ëmbëlsira.

Lista është e frikshme:

• “Guard Gum 5000 CPS”
• “Aditivë për torta dhe ëmbëlsira”
• “Trashës për pasticeri”
• “Xhelifikues për akullore dhe pasticeri”
• “Përgatitje aromatike për pasticeri”
  … dhe shumë të tjera me emra po aq teknikë sa të dyshimtë.

Dy kompani i importojnë. Publik.al do të dokumentojë në ditët në vijim, çdo detaj në lidhje me këtë skandal dhe do thellohet në dy kompanitë dhe lidhjet e tyre korruptive.  Ndërsa është në pritje të shkresës drejtuar AKU nëse prodhuesit e vegjël  kontrollohen për përbërjen dhe sasinë e përdorimit? Ky është pikërisht hetimi që duhet hapur  dhe që ne do ta ndjekim hap pas hapi.

Bota alarmohet për ëmbëlsuesit artificialë – ne mbyllim sytë

Ndërsa CNN raporton se konsumi i ëmbëlsuesve pa kalori çon në një plakje të trurit me ritëm 62% më të shpejtë, përkthehet në 1.6 vite humbje të funksioneve njohëse, në Shqipëri askush nuk flet.

Sipas studimit të Dr. Klaudia Kimie Suemoto, drejtoreshë e Biobankës së Plakjes në Universitetin e Sao Paulos, rreziku për kujtesën dhe aftësitë mendore është real dhe i dokumentuar.

Ëmbëlsira jonë e përditshme mund të ketë shije mjalti  por po sjell helm për trurin.

Shqipëria nuk mund të rrijë spektatore. Kërkohet transparencë, kontrolle dhe alarm publik sot, jo nesër.