Trump shkakton “trafik diplomatik”! Erdogan i irrituar, Macron e merr me humor

Gjatë punimeve të Asamblesë së Përgjithshme të OKB-së në Nju Jork, masat e rrepta të sigurisë për autokolonën e presidentit amerikan Donald Trump krijuan situata të pazakonta për liderët botërorë.

Presidenti turk Rexhep Tajip Erdogan u pa dukshëm i irrituar teksa qëndroi disa minuta në pritje, pasi rrugët u bllokuan plotësisht për lëvizjen e autokolonës amerikane.

Ndryshe reagoi presidenti francez Emmanuel Macron, i cili një natë më parë u gjend në të njëjtën situatë pas fjalimit të tij në OKB, ku shpalli vendimin për njohjen e shtetit të Palestinës. Macron u tregua sportiv, duke telefonuar me shaka Trumpin:

“Jam bllokuar në rrugë sepse gjithçka është ndalur për ty”.