SPAK dhe Policia e Shtetit ‘zbarkojnë’ në Durrës

Një tjetër operacion i përbashkët i SPAK dhe Policisë së Shtetit është duke u zhvilluar prej orëve të para të mëngjesit të sotëm në qytetin e Durrësit, në kuadër të hetimeve për veprimtari kriminale të strukturuar.

Sipas raportimit të gazetares Klodiana Lala, policia është ndalur dhe në banesën e Aleksandër Lahos, i njohur me emrin ‘Rrumi’ i Shijakut.

Operacioni konsiderohet si pjesë e një hetimi të zgjeruar që prek disa emra të njohur të botës së krimit, me fokus pastrimin e parave, grupet e strukturuara kriminale, dhe veprimtarinë e tyre në zonën e Durrësit dhe më gjerë.

Aksioni është ende në zhvillim, ndërsa autoritetet nuk kanë dhënë ende një deklaratë zyrtare nëse ka të arrestuar apo mbi objektivat konkrete të këtij operacioni.