Ky është gjyqtari që do vendosë drejtësi në sfidën Serbi-Shqipëri

UEFA ka emëruar arbitrin rumun të klasit “Elite”, István Kovács, për të gjykuar ndeshjen kualifikuese për Botërorin 2026 mes Serbisë dhe Shqipërisë në stadiumin e ri të Leskovcit.

Kovács, i njohur për disiplinën e fortë dhe përvojën në finale europiane, është zgjedhja e UEFA-s për të garantuar drejtësi dhe kontroll në një përballje të tensionuar, që rikthehet pas 11 vitesh nga incidentet në Beograd.

Në karrierën e tij, Kovács ka gjykuar finale të rëndësishme si UEFA Europa Conference League, UEFA Europa League dhe UEFA Champions League, duke u shndërruar në një nga arbitrat më të respektuar të kontinentit.