E rrahën para 2 muajsh, ndahet nga jeta babai i Genard Hajdinit

Ka ndërruar jetë në moshën 74-vjeçare Paqësor Hajdini, babai i personazhit të njohur të rrjeteve sociale, Genard Hajdini.

Lajmi i trishtë vjen vetëm dy muaj pas ngjarjes së rëndë të ndodhur në orët e para të 3 gushtit, në një lokal në rrugën “Bardhyl” në Tiranë, ku ndaj Genard Hajdinit dhe babait të tij u ushtrua dhunë fizike nga 40-vjeçari Sh.G.

Paqësor Hajdini ndërroi jetë duke lënë pas dhimbje të madhe tek familjarët, të afërmit dhe miqtë e tij, të cilët e kujtojnë si një njeri të qetë, të dashur dhe me shpirt fisnik.

Ngjarja ka prekur shumë ndjekës të Genardit në rrjete sociale, të cilët i kanë shprehur ngushëllimet e tyre për humbjen e babait.