‘Kush s’kërcen është komunist’, Meloni ‘shpërthen’ si kurrë më parë

Palapartenope në Napoli u mbush të premten me mijëra mbështetës të qendrës së djathtë, të cilët u mblodhën për të përkrahur kandidatin Edmondo Cirielli në zgjedhjet rajonale të Kampanisë.

Atmosfera ishte elektrizuese, ndërsa në skenë parakaluan figurat kryesore të politikës italiane: Giorgia Meloni, Antonio Tajani, Matteo Salvini dhe Maurizio Lupi.

Pas fjalimit të Melonit, liderët iu bashkuan Ciriellit në skenë, teksa në sallë shpërthyen tingujt e Himnit Kombëtar italian. Mbështetësit e entuziazmuar kënduan njëzëri korin e famshëm “Kush nuk kërcen është komunist!”, duke shndërruar aktivitetin politik në një atmosferë që ngjante me tribunat e stadiumeve të futbollit.

Pamjet nga vendngjarja tregojnë qindra njerëz që kërcenin, brohorisnin dhe filmonin momentin me selfie, duke dokumentuar spektaklin politik që ndezi Napolin.