Masa sigurie edhe për krerët ARRSH dhe KESH

Gjykata e Posaçme Kundër Krimit të Organizuar dhe Korrupsionit (GJKKO) ka vendosur masa sigurie për dy vartësit e zv.kryeministres Belinda Balluku, Drejtorin e KESH, Erald Elezi, dhe kreun e ARRSH-së, Gentian Gjyli.

Të dy janë lënë nën masën e “arrestit në shtëpi”, një vendim i cili synon të sigurojë procesin hetimor dhe të shmangë ndikimin e tyre në hetime.

Ndërkohë, për zv.kryeministren Balluku, GJKKO ka vendosur pezullimin nga detyra dhe ndalimin e daljes jashtë vendit. Kjo masë është ndërmarrë pas hetimeve që lidhen me procedurat e tenderave publikë, përfshirë ndërtimin e tunelit të Llogarasë dhe lote të tjera të projekteve të infrastrukturës.

Në një komunikim për mediat, gjykata bëri me dije se masat e sigurisë ndaj Ballukut kanë karakter sekret dhe se një njoftim zyrtar do të bëhet në momentin e duhur procedurial.

Ky vendim tregon se drejtësia po ecën me hapa të qartë për të garantuar integritetin e hetimeve, pavarësisht statusit të lartë të të pandehurve.