Makina përplaset në autostradën Durrës-Tiranë dhe merr flakë

Një aksident ka ndodhur në orët e para të mëngjesit të së premtes në autostradën Durrës–Tiranë, në zonën e Kasharit.

Sipas të dhënave paraprake, shoferi i një automjeti dyshohet se ka humbur kontrollin, duke u përplasur me bordurat anësore të rrugës.

Për shkak të goditjes së fortë, mjeti ka marrë flakë, çka ka bërë të nevojshme ndërhyrjen e menjëhershme të forcave zjarrfikëse.

Ende nuk ka informacion zyrtar nëse nga ngjarja ka persona të lënduar.