Dorëzohet kryeministri Rossen Zhelyazkov

Kryeministri bullgar, Rossen Zhelyazkov, njoftoi më 11 dhjetor se qeveria e tij do të japë dorëheqjen, pasditen e një dite të tensionuar që pasoi protesta masive në vend. Mijëra bullgarë dolën më 10 dhjetor në rrugët e qyteteve kryesore, duke kërkuar largimin e qeverisë.

Dorëheqja vjen para se qeveria të përballej me mocionin e gjashtë të mosbesimit, të paraqitur nga koalicioni opozitar “Ne Vazhdojmë Ndryshimin – Bullgaria Demokratike”, me mbështetjen e dy partive të pakicave opozitare. Votimi ishte planifikuar për në orën 13:30 më 11 dhjetor, por shumica e deputetëve të partive në koalicionin qeverisës munguan në seancë, duke përfshirë edhe udhëheqësin Boiko Borissov.

Kjo nuk është hera e parë që qeveria Zhelyazkov përballet me mocione mosbesimi. I pari u paraqit nga Vuzrazhdane në prill për shkak të politikës së jashtme, i dyti gjithashtu gjatë prillit për shkak të korrupsionit. I treti, i refuzuar më 4 korrik, u arsyetua me dështimin e politikës fiskale, ndërsa i katërti, i rrëzuar më 11 korrik, lidhej me politikat mjedisore të qeverisë.

Kjo seri mocionesh dhe protestash masive tregon tensionin e madh politik në Bullgari dhe presionin e madh publik që çoi në dorëheqjen e qeverisë.