Tronditet Dinamo, SPAK kërkon masë arresti për drejtuesin e klubit

Prokuroria e Posaçme Kundër Korrupsionit dhe Krimit të Organizuar ka kërkuar arrest me burg për Ergys Agasin, aksionerin që zotëron 30% të kuotave të Dinamos.

Sipas SPAK, Agasi dyshohet për kryerjen e veprave penale: “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike” në formën e bashkëpunimit të grupit të strukturuar kriminal, si dhe “Kryerje e veprave penale nga organizata kriminale dhe grup i strukturuar kriminal” dhe “Pastrim i produkteve të veprës penale ose veprimtarisë kriminale”.

SPAK konfirmon se masa e sigurimit “Arrest në burg” është kërkuar në përputhje me nenin 238 të Kodit të Procedurës Penale, duke i paraprirë ekzekutimit të vendimit nga gjykata.