Plagosja e “Guccit” të TikTok-ut, policia shpall në kërkim 3 autorët

Policia e Durrësit ka identifikuar tre autorët e plagosjes me armë zjarri të personazhit të TikTok, Fabion Kuçi, ngjarje kjo që tronditi qytetin bregdetar.

Autorët e shpallur në kërkim janë: A. N., 38 vjeç, banues në Durrës; F. B., 22 vjeç, banues në Tiranë; dhe B. Ç., 34 vjeç, banues në Durrës.

Ngjarja ndodhi rreth orës 23:45 të 15 dhjetorit 2025, kur autorët afruan me dy automjete te lokali në lagjen nr. 9, ku ndodhej Fabion Kuçi, i njohur si “Gucci”, dhe qëlluan me armë zjarri. Si pasojë, “Gucci” mbeti i plagosur lehtë.

Në vijim të hetimeve, materialet u referuan në Prokurori dhe nisi procedimi penal ndaj L. B., 31 vjeç, pronar i njërit prej automjeteve të përdorura nga autorët.

Policia bën me dije se gjatë kontrollit në banesën e 31-vjeçarit janë gjetur disa fishekë luftarak, të cilët u sekuestruan si prova materiale, dhe hetimet për kapjen e tre të rinjve të shpallur në kërkim vijojnë intensivisht.

Ky rast ka lidhje me konflikte të nisura në TikTok, duke treguar për tensionet mes personazheve të rrjetit social dhe përdorimin e dhunës në jetën reale.