Balla dhe PS i vënë ‘flakën’ Beratit, ‘Bela & Co’ sabotojnë festën

Taulant Balla organizoi në Berat, me ndihmën e ish-kryebashkiakut Ervin Demo, festën e fundvitit për grupin parlamentar të Partisë Socialiste.

Mësohet se kryesocialisti Edi Rama nuk mori pjesë në këtë event, ndërsa arsyet e mungesës së tij nuk janë të qarta.

Përveç Ramës, në listën e të munguarve ishin të paktën 10 deputetë të tjerë, përfshirë edhe zëvendëskryeministren dhe deputeten e qarkut Fier, Belinda Balluku.

Një burim anonim nga grupi i PS e përshkroi festën si një “event për të krijuar një atmosferë normaliteti në fundvit, pavarësisht situatës jo të favorshme për PS”.

Ky ishte eventi i parë i këtij formati për grupin parlamentar, ku rreth 60% e deputetëve janë të rinj dhe për herë të parë kanë marrë vendin e tyre në Parlament, duke e bërë këtë festë një mundësi për t’u njohur më mirë dhe për të forcuar marrëdhëniet mes anëtarëve të rinj dhe atyre me eksperiencë.