Video/ Rama darkë në Vlorë me Ivanka Trump

Kryeministri Edi Rama ka mbërritur në Vlorë dhe është takuar me Ivanka Trump dhe ekipin që e shoqëronte. Ata janë filmuar në një prej restoranteve të Vlorës, duke darkuar sëbashku.

Ivanka Trump ndodhet në Shqipëri së bashku me një grup arkitektësh dhe përfaqësues investitorësh, të cilët po shqyrtojnë mundësitë për zhvillim strategjik në zonën e Vlorës, me theks të veçantë te ishulli i Sazanit.

Takimi ndodh vetëm pak ditë pasi Rama mori një ftesë zyrtare nga Donald Trump për të qenë pjesë e “Bordit të Paqes” për Gazën, një sinjal politik që ka ndezur diskutime për afrimin e papritur të qeverisë shqiptare me rrethin Trump.

Faktin që Rama la samitin e Davosit për të shkuar në Vlorë e konfirmon edhe urgjenca e masave të sigurisë në qytet. Patrulla të shtuara, hyrje të kontrolluara në rrugët dhe mungesa totale e informacionit publik tregojnë se takimi ka qenë i kalibrit të lartë.