I verbri më i famshëm në Shqipëri i jep “Audi”-t me 50 km/h – videoja që po bën xhiron e rrjetit

Publik.al | 11 Shkurt 2026

Një video e pazakontë po qarkullon me shpejtësi në rrjetet sociale, ku pretendohet se një person i verbër është filmuar duke drejtuar një automjet tip Audi me rreth 50 km/h në një rrugë urbane.

Pamjet, që kanë shkaktuar habi dhe reagime të shumta, tregojnë mjetin duke lëvizur në kushte normale trafiku, pa shenja që bëhet fjalë për një automjet autoshkolle apo mjet të pajisur posaçërisht për drejtim të asistuar.

Rasti ka ngritur pikëpyetje serioze mes qytetarëve: si është e mundur që një person me probleme të rënda shikimi të vendoset në timonin e një automjeti në qarkullim të lirë? A kemi të bëjmë me një inskenim për rrjete sociale apo me një shkelje flagrante të rregullave të qarkullimit rrugor?

Ndjekësit online e kanë marrë situatën me humor, ndërsa të tjerë kanë shprehur shqetësim për sigurinë publike dhe për kontrollin e autoriteteve për raste të tilla.

Deri në këto momente, nuk ka një reagim zyrtar nga Policia e Shtetit lidhur me vërtetësinë e videos apo me ndonjë procedim të mundshëm.