Sot kuvendi komfirmon Bibén si Kryetar i Autoritetit të Konkurencës

Një nga pikat në rendin e ditës së punimeve të Kuvendit është edhe zgjedhja e Kryetarit të Autoritetit të Konkurencës. Në garë janë 4 emra, ndërsa miratimi është me shumicë të thjeshtë votash.

Postin e Kryetarit të Autoritetit të Konkurencës e synojnë Denar Biba, i cili drejton këtë institucion, Pajtim Melani, Evis Noçka dhe Elidian Balla.

Sipas ligjit, anëtarët e Komisionit të Konkurrencës zgjidhen nga Kuvendi. Një anëtar propozohet nga Presidenti i Republikës, dy anëtarë propozohen nga Këshilli i Ministrave dhe dy anëtarë propozohen nga Kuvendi.

Mandati i Kryetarit të Autoritetit të Konkurencës zgjat 5 vjet, dhe sipas raportimeve, deputetët e mazhorancës pritet të rikonfirmojnë në detyrë, Denar Bibën.