Deputeti i Partisë Demokratike, Belind Këlliçi, ka ngritur akuza të forta në lidhje me atë që e cilëson si “megaskandalin KAYO”, duke pretenduar se interpelanca e kërkuar nga Klevis Balliu nuk është zhvilluar realisht për shkak të kësaj çështjeje.
Sipas Këlliçit, në qendër të skandalit qëndron marrëdhënia mes kryeministrit Edi Rama dhe biznesmenit Ron Yefet, i cili sipas tij është themelues i kompanisë KAYO. Deputeti demokrat pretendon se përmes vendimeve të qeverisë, Yefet ka përfituar rol me ndikim edhe në çështje që lidhen me sigurinë dhe angazhimet e Shqipërisë në NATO.
Ai u ndal edhe te një vizitë e kryeministrit në Paris në vitin 2020, duke hedhur dyshime mbi natyrën e saj.
“Interpelanca urgjente me ministrin e Mbrojtjes Ermal Nufi u refuzua në raport me megaskandalin që ka të bëjë me KAYO-n me mikun e ngushtë të kryeministrit Ramës, mashtruesin ndërkombëtar Ron Yefet dhe mashtruesin që endet rrugëve të Shqipërisë për të arrë VKM nominale nga Rama.
Rama më 8 tetor 2020 kishte udhëtuar për në Paris, të enjten e 8 tetorit 2020 nuk kishte udhëtuar për një axhendë zyrtare drejt Francës, por për të festuar ditëlindjen e bashkëshortes së Yeffet. Prova e pushtetit të të akuzuarit për mashtrim Yeffet, për t’i zhvatur 7.6 mld dollarë një shtetasi amerikan. Kjo është prova që fakton lidhjen korruptive Rama-Yeffet.
Sot miku mashtrues ka në dorë fatinë armëve në Shqipëri. Ka lënë në dorë të tij edhe fatin tonë në NATO”, tha ai.
Deklaratat e Këlliçit vijnë në një klimë të tensionuar politike, ndërsa çështja e përmendur pritet të sjellë reagime dhe përplasje të mëtejshme në arenën publike.
