19-vjeçarja dhunohet dhe përndiqet nga ish-dashuri, përfundon në polici

Rastet e tmerrshme të përndjekjes së vajzave nga ish-të dashurit e tyre janë shtuar më së shumti ditët e fundit.

Rasti më tragjik ishte i vrasjes së Arielës nga Aldisoni që u shëndërrua në një tragjedi të vërtetë. Por një tjetër rast raportohet nga qyteti i Durrësit. Një 19-vjeçare ka denoncuar në polici pasi përndiqej nga ish-i dashuri i saj, bashkëmoshatar me të.
Vjaza me inicialet G.S ka deklaruar në polici se përndiqej nga ish-i dashuri i saj K.T që pas ndarjes së disa muajve më parë.

Sakaq, ka treguar se gjatë periudhës kur ishin në marrëdhënie së bashku dhunohej fizikisht dhe psikologjiksht nga ai.

Pas denoncimit të vajzës, 19-vjeçari është vënë në pranga.