Fejohet Gjesti? Detaji i fundit po bën namin në rrjet (FOTO)

Gjesti po shijon disa ditë pushimi në shoqërinë e DJ Gimbos dhe Selin Bollatit, por një prej fotografive të fundit ka tërhequr vëmendjen e ndjekësve për një detaj të veçantë.

Në imazhin që po qarkullon në rrjetet sociale, këngëtari shfaqet i buzëqeshur, ndërsa në njërin prej gishtave të tij dallohet një unazë.

Detaji i vogël ka mjaftuar për të nxitur kuriozitetin e fansave dhe pyetjet nëse në jetën sentimentale të Gjestit ka ndodhur diçka e re.

Megjithatë, deri tani nuk ka asnjë konfirmim nga këngëtari se bëhet fjalë për një fejesë. Gjesti nuk ka bërë ndonjë njoftim publik dhe nuk ka dhënë shpjegime lidhur me unazën që shfaqet në fotografi.

Për momentin, gjithçka mbetet në kuadrin e hamendësimeve të ndjekësve, ndërsa vetëm një reagim i Gjestit mund të sqarojë nëse unaza ka ndonjë domethënie të veçantë në jetën e tij private.