Pas “arrestit në shtëpi”, Jozi thyen heshtjen pranë oxhakut (FOTO)

Pak ditë pasi gjykata vendosi masën e sigurisë “arrest në shtëpi” në lidhje me çështjen ndaj Edi Kuçit, këngëtari Jozi ka reaguar për herë të parë publikisht.

Ai ka zgjedhur rrjetet sociale për t’u drejtuar ndjekësve të tij, duke publikuar një fotografi ku shfaqet pranë oxhakut, me një libër në duar. Përmes këtij postimi, këngëtari duket se ka dashur të përcjellë një mesazh qetësie, ndërsa njëkohësisht ka falënderuar të gjithë ata që janë interesuar për gjendjen e tij.

“Duke e marrë veten! Faleminderit për interesimin dhe mbështetjen. Projekti i ri së shpejti. Ju dua”, shkruan Jozi.

Vëmendjen e tërheq edhe zgjedhja e muzikës në sfond. Këngëtari ka vendosur këngën “Së shpejti”, një detaj që duket se lidhet drejtpërdrejt me paralajmërimin për rikthimin e tij në muzikë.

Ky është reagimi i parë publik i Jozit pas vendimit të gjykatës për masën e sigurisë. Në vend që të ndalet te situata ligjore, ai ka zgjedhur të fokusohet te gjendja e tij dhe te ajo që duket si një projekt i ri muzikor që pritet të publikohet së shpejti.

Postimi ka marrë menjëherë vëmendjen e ndjekësve, veçanërisht për mesazhin pozitiv dhe paralajmërimin se këngëtari po përgatitet të rikthehet me muzikë të re.