“Ka ndërruar tri hotele”

Gazetari Robert Papa ka publikuar një reagim kritik lidhur me qëndrimin e kryeministrit Edi Rama në Nju Jork, duke pretenduar se kreu i qeverisë ka ndryshuar tri hotele për arsye sigurie.

“Sorra e Surrelit, si xhingël në galanë e amebave të krimit në Nju Jork. Edvini ka ndërruar tri hotele nga frika e vezëve dhe përgjimeve”, shkruan Papa.

Gazetari përmend edhe pjesëmarrjen e kryeministrit në një aktivitet me komunitetin shqiptar në SHBA, por nuk paraqet prova publike që konfirmojnë pretendimin për ndryshimin e hoteleve.

Deklarata vjen në një kohë kur Rama ndodhet në Nju Jork për takime dhe aktivitete të lidhura me axhendën ndërkombëtare. Deri tani, Kryeministria nuk ka reaguar ndaj pretendimeve të Robert Papës.