Zjarri përfshin tre banesa në Pukë, shtëpitë shkrumbohen nga flakët

Tre banesa të pabanuara janë përfshirë nga një zjarr i fuqishëm mbrëmjen e kësaj të shtune në fshatin Fërth, në zonën e Qerretit, në Pukë.

Flakët kanë përfshirë plotësisht banesat, duke shkaktuar shkrumbimin e tyre. Fatmirësisht, bëhet fjalë për ndërtesa të braktisura, ndaj nuk raportohet për persona të lënduar si pasojë e zjarrit.

Pas njoftimit për ngjarjen, në vendin e incidentit kanë mbërritur forcat zjarrfikëse, të cilat janë angazhuar për përballimin e situatës dhe shuarjen e flakëve.

Deri më tani, rrethanat e rënies së zjarrit mbeten të paqarta. Pritet që verifikimet nga autoritetet përkatëse të zbardhin shkaqet që çuan në përfshirjen nga flakët të tre banesave.