E mërkurë, 18 nëntor 2026 DENONCO ANONIM Denonco: +355 69 20 95 843
PUBLIK PUBLIK
Analisti zbulon problemin madhor në emërimin e Esmeralda Hasanit në krye të SHISH
Lajme

Analisti zbulon problemin madhor në emërimin e Esmeralda Hasanit në krye të SHISH

“Vjen nga zyrtarët e Kryeministrisë”

Emërimi i Esmeralda Hasanit në drejtimin e Shërbimit Informativ të Shtetit (SHISH) ka nxitur debate mbi kriteret profesionale që duhet të plotësojë drejtuesi i një prej institucioneve më të rëndësishme të sigurisë në vend.

Analisti Ermir Gjinishi ka shprehur rezerva për zgjedhjen e Hasanit, duke vënë në diskutim përvojën e saj në fushën e inteligjencës dhe sigurisë. Sipas tij, drejtimi i SHISH kërkon njohuri të specializuara dhe eksperiencë konkrete në këtë sektor, ndërsa formimi akademik, pavarësisht rëndësisë, nuk është i mjaftueshëm për të garantuar drejtimin e institucionit.

Gjinishi ka ngritur pikëpyetje edhe mbi arsyet që çuan në përzgjedhjen e Hasanit, duke argumentuar se për një pozicion të kësaj rëndësie mund të ishin shqyrtuar kandidatë me përvojë më të drejtpërdrejtë në strukturat e sigurisë dhe inteligjencës.

Një tjetër element që analisti e konsideron problematik është e kaluara profesionale e Hasanit në administratën e Kryeministrisë. Sipas tij, ardhja nga zyrat e ekzekutivit për të marrë drejtimin e një institucioni si SHISH ngre shqetësime mbi mënyrën se si bëhen përzgjedhjet për poste të rëndësishme shtetërore.

Gjatë komentit të tij, Gjinishi ka theksuar se eksperienca profesionale duhet të ketë peshë vendimtare në emërime të tilla dhe se nuk mund të zëvendësohet thjesht me një diplomë apo formim akademik.

“Çështja e përvojës akademike ka vlerë. Zonja, me sa di, ka mbaruar për ligj kombëtar. Por fusha nuk ka nevojë për një diplomë, por për përvojë. Është e vërtetë që në botë zgjidhet edhe ndonjë akademik, por janë raste të veçanta. Po pse nuk kishte ekspertë që ti duhet patjetër të shkosh te kjo zonjë, që nuk i plotëson kushtet? Vjen nga zyrtarët e Kryeministrisë. Dhe tek ne ky është problemi kryesor”, u shpreh Gjinishi.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.