Shkarkojnë HEC-et, përmbytje masive në ultësirën e Shkodrës

Shumë hektarë tokë janë përmbytur në zonën e Anës së Malit në Shkodër. Banorët thonë se niveli i ujit është rritur brenda natës në 30 centimetra. Aktualisht janë të mbuluara nga uji 240 ha tokë bujqësore. Më të dëmtuar janë fshatrat Obot dhe Goricë. Banorët e dinë që ndodhen në një zonë të ulët, por thonë se kjo u ndodh sa kohë bëhen shkarkime nga hidrocentralet.

Sakaq, përfaqësues të Bashkisë Shkodër kanë dalë në terren për të parë nga afër atë ç’ka ndodhur. Sipas Drejtorit të Bujqësisë në Bashkinë e Shkodrës Alban Sekja situata është në përkeqësim dhe kjo ndodh vetem prej shkarkimeve në HEC-e.

Banorët kanë frikë se niveli mund të rritet edhe më tepër. Janë përmbytur sipërfaqe të mbjella me foragjere dhe sera, thonë ata.