Bëri thirrje për grusht shteti, arrestohet deputeti i akuzuar për tradhti …
Deputeti grek i Agimit të Artë, Konstandinos Barbarusis është arrestuar tre ditë pasi prokuroria greke urdhëroi ndjekje penale për të me akuzën për tradhti të lartë ndaj atdheut.
Deputeti neonazist ka bërë thirrje në Parlament të premten, ditë kur po votohet marrëveshja me Maqdoninë, për grusht shteti, duke kërkuar që ushtria të arrestojë Presidentin e Republikës së Greqisë dhe kryeministrin grek, shkruajnë mediat në vend.
Barabarusis i ka shpëtuar një kontrolli të policisë greke që kishte urdhër-arresti për të, duke u larguar me shpejtësi mbrëmjen e së shtunës.
Por sot ai është arrestuar në lagjen Pendeli, pas një operacioni të antiterrorit grek dhe bashkë me të është shoqëruar në polici edhe një person që e strehonte.
Keni një histori? Denonco anonimisht, identiteti juaj mbrohet.
Denonco
