Godet inspektorin e tatimeve, arrestohet i riu nga Kavaja

Një 24-vjeçar nga qyteti i Kavajës, i identifikuar si Tafjon Morina është arrestuar nga Policia ditën e djeshme.

24-vjeçari banues në Golem ka goditur inspektorin e tatimeve, O.B., 32-vjeç.

Sipas njoftimit të policisë debati me inspektorin ka arritur pas bllokimit të aktivitetit tregtar.

Njoftimi i policisë:

Më datë 01.07.2018, shërbimet e Komisariatit të Policisë Kavajë arrestuan shtetasin : – Tafjon Morina, 24 vjeç, banues në Golem, Kavajë (pronar i një subjekti). Ai, pas një debati për bllokimin e aktivitetit tregtar, konstatuar me shkelje, ka goditur shtetasin O.B., 32 vjeç, banues në Tiranë, me detyrë Inspektor i Hetimit Tatimor. Materialet iu referuan Prokurorisë së Rrethit Gjyqësorë Kavajë, në ngarkim të shtetasit Morina, për veprën penale “Goditja për shkak të detyrës”.