Tiranë/ Shpërthim në dyqanin e motrës së gjyqtarit të shkarkuar

Një sasi tritoli ka shpërthyer në një dyqan në rrugën “Ymer Kurti” në Tiranë.

Sipas informacioneve paraprake, dyqani ishte në pronësi të motrës së ish-gjyqtarit Fatos Lulo.

Ky i fundit qe pjesë e sistemit të drejtësisë për shumë vite, madje së fundmi ishte anëtar i Gjykatës Kushtetuese, por u përjashtua nga sistemi pas hetimit të bërë nga KPK mbi bazën e procesit të vettingut.

Nuk dihet arsyeja konkrete nëse tritoli në dyqanin e Drita Lulos ka apo jo lidhje me punën e vëllait të saj si gjyqtar.

Nga shpërthimi janë dëmtuar edhe 3 mjete përballë dyqanit, edhe dera kryesore e pallatit.