Elbasan: Aksident me tre të lënduar në spital

Policia njofton se Indrit S., 25 vjeç, banues në fshatin Mengël, duke drejtuar mjeti tip ‘Seat’ me targa AA 041 BO, ka aksidentuar 3 persona: Dy prindërit K.V., 26 vjeç, M.Sh., 25 vjeçe si dhe fëmijën e tyre A. V., 1 vjeçe.

Të tre të lënduarit janë dërguar në spitalin e Elbasanit, nga ku mësohet se fatmirësisht ndodhen jashtë rrezikut për jetën.

25-vjeçari, drejtues i automjetit është ndaluar nga policia.

Shkaqet e aksidentit janë të paqarta.