VIDEO/ Përplasen dy avionë pasagjerësh në Turqi, ja pamjet
Dy avionë janë përplasur këtë të enjte në aeroportin e Stambollit në Turqi. Sipas mediave turke, nga incidenti nuk ka të lënduar.
Mediat turke raportojnë se incidenti ka ndodhur në aeroportin Ataturk, ndërkohë që avioni i “Turkish Airlines” ishte i parkuar dhe po merrte pasagjerët.
Raportohet se avioni i “Royal Air Moroc Airlines” po lëvizte drejt pistës për tu nisur drejt Arabisë Saudite kur ka përplasur me krah avionin e “Turkish Airlines”.
Përplasja e fortë shkaktoi dëmtime në të dy avionët dhe panik tek pasagjerët. Udhëtarët që prisnin të niseshin drejt Athinës u dërguan në një tjetër avion dhe presin të nisin fluturimin, ndërsa autoritet kanë nisur hetimet për zbardhjen e shkaqeve të aksidentit.
Keni një histori? Denonco anonimisht, identiteti juaj mbrohet.
Denonco
